好耐都無煲湯比小蚌飲. 見今日係秋天最後一個節氣 - 霜降.
這個節氣, 最適合煲一些潤肺既湯水. 所以就煲想起煲呢個湯嘞...
菜乾陳腎排骨湯 (2人份)
材料 : 菜乾 4兩 / 陳腎 4個 / 南北杏 10 - 15克 /
陳皮 1/4個 / 蜜棗 1-2粒 / 豬排骨 1斤
做法
1. 排骨汆水, 陳皮浸軟, 將囊刮去, 菜乾, 南北杏, 蜜棗洗淨. 所有材料備用.
2. 所有材料涷水放入煲內. 用大火煲至水滾, 之後轉中火煲2 1/2小時, 飲用前放少許鹽作調味.
P.S.
a. 由於陳腎味帶咸, 所以湯放鹽前最好先試味. 以免湯太咸.
沒有留言:
張貼留言