丁香魚乾

好耐之前睇過一本書,  話將丁香魚烤乾磨成粉, 可以用作調味料.  同時仲可以攝取到大量既鈣質.

上星期六去買陳腎時見到有丁香魚乾,  所以就買咗半斤試磨粉. 臨走前店長告訴我, 除可以磨粉, 還可以用來炒蛋.  

正當準備預熱焗爐時, 忽然想, 用焗爐烤乾魚, 會花很長既時間,  反正微波爐除把食物加熱, 還會把食物既水份抽乾.  為什麼不試試...

之後除証明這方法是可行的.  還給我發現多一件事....

可曾記起某酒樓用烤小魚乾花生做餐前小食, 那些小食除用油炸外, 味道還會較咸.  

是次, 我將丁香魚烤乾後, 取了少少來吃.  真係一食就唔停得.
用嚟做小食, 特別響飲啤酒時, 真係超正....


做法
~ 將丁香魚洗淨, 放入微波爐內, 用中火先叮5分鐘, 然後反轉再叮2分鐘.  或把魚叮至乾及脆.

P.S.
1.  叮乾丁香魚前, 可以先試味,  若魚身帶咸, 可將魚浸泡一會, 將咸味減少.

2.  將丁香魚放在廚房紙上叮乾, 可以吸去過多既水份.