丁香魚乾

好耐之前睇過一本書,  話將丁香魚烤乾磨成粉, 可以用作調味料.  同時仲可以攝取到大量既鈣質.

上星期六去買陳腎時見到有丁香魚乾,  所以就買咗半斤試磨粉. 臨走前店長告訴我, 除可以磨粉, 還可以用來炒蛋.  

正當準備預熱焗爐時, 忽然想, 用焗爐烤乾魚, 會花很長既時間,  反正微波爐除把食物加熱, 還會把食物既水份抽乾.  為什麼不試試...

之後除証明這方法是可行的.  還給我發現多一件事....

可曾記起某酒樓用烤小魚乾花生做餐前小食, 那些小食除用油炸外, 味道還會較咸.  

是次, 我將丁香魚烤乾後, 取了少少來吃.  真係一食就唔停得.
用嚟做小食, 特別響飲啤酒時, 真係超正....


做法
~ 將丁香魚洗淨, 放入微波爐內, 用中火先叮5分鐘, 然後反轉再叮2分鐘.  或把魚叮至乾及脆.

P.S.
1.  叮乾丁香魚前, 可以先試味,  若魚身帶咸, 可將魚浸泡一會, 將咸味減少.

2.  將丁香魚放在廚房紙上叮乾, 可以吸去過多既水份.

菜乾陳腎排骨湯 ~ 清燥潤肺, 止咳生津 (附食譜)

好耐都無煲湯比小蚌飲. 見今日係秋天最後一個節氣 - 霜降.  
這個節氣, 最適合煲一些潤肺既湯水.  所以就煲想起煲呢個湯嘞...


菜乾陳腎排骨湯   (2人份)

材料  :  菜乾  4兩  /  陳腎  4個  /  南北杏  10 - 15克  /  
             陳皮  1/4個  /  蜜棗  1-2粒  /  豬排骨  1斤

做法  

1.  排骨汆水, 陳皮浸軟, 將囊刮去, 菜乾, 南北杏, 蜜棗洗淨.  所有材料備用.

2.  所有材料涷水放入煲內.  用大火煲至水滾, 之後轉中火煲2 1/2小時, 飲用前放少許鹽作調味.

P.S.
a.  由於陳腎味帶咸, 所以湯放鹽前最好先試味.  以免湯太咸.

瑤柱白粥 (附食譜)

小蚌昨晚參加友人婚宴時多飲兩杯,  所以今早就煲咗煲瑤柱白粥比佢醒醒個胃.



瑤柱白粥   (2人份)

材料  :   白米  1量杯   /   江瑤柱    4粒

調味料  :  食油  1湯匙


做法

1.  將米略洗, 瀝乾水後用食油撈勻, 醃10分鐘.

2.  放適量既清水在湯煲, 將江瑤柱放入煲內.  然後把水煲滖, 跟著把米放入滾水內,

3.  一直用大火煲至米溶化.  便可出鍋.

P.S.

a.  煲粥必定要大火, 這樣可保持水滾動, 那未溶化既米便不會後黐住煲底, 這樣可被免, 因米粒黐住煲底, 令整煲粥變燶.

b.  由於用大火煲, 所以不用冚蓋,  否則, 粥便會滾出煲外.

c.  涷水放江瑤柱, 可以有足夠時間將江瑤柱煲軟及出味.

d.  米洗好後用油醃一下會容易溶化.  這樣大約煲1小時就有軟綿綿既靚粥食嘞.

雞肉肉燥 (附食譜)

最近睇咗一個台灣既烹飪節目"美食鳳味",  就學咗煮呢個餸.  原本食譜係用紅酥蔥,  我想多食d蔬菜,  所以改用洋蔥.
呢個餸用嚟撈飯或者撈麵都好好食.  特別係小蚌出差, 我就會多煮一d, 分開幾餐食.  

雞肉肉燥   (2人份)

材料 :  雞腿  1隻  /  菜脯  76克  /  洋蔥  1個(中型)  

調味料  :  老抽  1/2湯匙  /  米酒  1湯匙

做法

1.  菜脯用水浸5分鐘, 瀝乾切粒備用.  雞腿去骨及洋蔥切粒, 備用.

2.  燒熱鑊(不需要放油), 將雞腿放入鑊, 雞皮貼鑊, 這樣可讓雞油因熱力迫出來.

3.  雞油走出來後, 就放菜脯入鑊炒一會.

4.  最後放洋蔥及滾水.  當然不要忘記放雞骨. 之後冚蓋, 煮5分鐘.

5.  將雞腿拿起, 然後切粒. 

6.  雞肉粒回鑊, 拿走雞骨.  然後放老抽, 最後放米酒.  便可出鍋.

P.S.

a.  菜脯可以先試食, 若不太咸, 可以不用泡浸.

b.  雞腿先煮後切, 那麼雞肉肉汁可以保存, 不會被煮乾.

c.  必須要放滾, 若不, 雞骨內既血水會大量釋出.

d.  如果想湯汁更香, 可以在放雞骨既同時, 多放2片香葉.

意式磨菇飯 (附食譜)

今晚得自己一個食飯.  忽然想起晏晝睇電視, 午間節目教煮用意大利米煮既磨菇飯.  咁0岩屋企有包雙羊米.  於是就試下用嚟煮, 睇下煮唔煮到.

食過後, 都ok喎.


意式磨菇飯  (2人份)

材料  :  雙羊米   3/4量杯  /  磨菇(button mushroom)  200克  /  牛肝菌  5克

調味料  :  黑胡椒粉,  糖,   各少許  /  牛油,   帕爾馬芝士(parmesan cheese)  適量

做法

1.  先將牛肝菌, 磨菇用清水略洗, 牛肝菌用清水浸軟, 磨菇切片備用.

2.  牛肝菌浸軟後,  用手揸乾水, 切碎,  剩下既牛肝菌水留下備用.

3.  用中細火, 把牛油溶化, 然後將磨菇, 牛肝菌放入鍋內, 與牛油炒勻後, 便放黑胡椒粉, 糖炒勻.
最後將米及牛肝菌水放入鍋內炒勻.  然後冚蓋煮至米熟.  
煮飯其間, 需要不時檢查有沒有乾水,  飯熟後便灑上帕爾馬芝士, 待芝士溶化後便可出鍋.

P.S.
a.  磨菇除用白色外,  還可以用啡色磨菇, 燒烤磨菇(portobello mushroom), 本菇等等.
b.  用來浸牛肝菌既水煮飯, 飯內既磨菇味道更加濃郁.  若用來浸牛肝菌既水用完, 可以用上湯或清水代替.
d.  煮飯時要冚蓋, 煮飯期間要將飯攪動, 避免黐鍋底.

多溫暖的一首歌....

作詞：劉卓輝

作曲：徐偉賢

編曲：劉志遠

愛上了　看見你　如何不懂謙卑

去講心中理想　不會俗氣

猶如看得見晨曦　才能歡天喜地

抱著你　我每次　回來多少驚喜

也許一生太短　陪著你

情感有若行李　仍然沉重待我整理

＊天氣不似預期　但要走　總要飛

　道別不可再等你　不管有沒有機

　給我體貼入微　但你手　如明日便要遠離

　願你可以　留下共我曾愉快的憶記

　當世事再沒完美　可遠在歲月如歌中找你＊

再見了　背向你　眉頭多少傷悲

也許不必再講　所有道理

何時放鬆我自己　才能花天酒地

抱著你　我說過　如何一起高飛

這天只想帶走　還是你

如重溫往日遊記　但會否疲倦了嬉戲

REPEAT＊

最近大台深宵重播的一套電視劇,  讓我可以重溫一首曲, 詞, 編曲及歌聲都做得很好的歌. 甚至乎比電視劇內容更吸引.

現代有多少個如此情長的愛情故事主角.....





























歌詞 : http://mojim.com/twy100111x48x5.htm