蛋多士 (附食譜)

小蚌公司附近有間茶餐廳, 有個煎蛋包, 每次小蚌去都飲下午茶, 都會點呢個包.  

乜嘢係煎蛋包 ......咪就係將荷包蛋放響塊方包上面. 

一口咬落個包度, 方包夾住d蛋汁, 又真係幾好味.  不過食既時候要小心, 因為d蛋汁就好容易漏出.  

有次同個朋友去食, 佢就教我用呢個方法煮... 

我試煮, d蛋汁又真係無咁容易漏出嚟...


蛋多士  (1人份)

材料  :  方包  1塊  /  蛋  1隻

做法

1.  先將方包中間用餐刀切一個正方型.

2.  然後用細火煎2分鐘(不用放食油)

3.  跟住在方包中間部份放1 茶匙食油, 油熱後放蛋. 

4.  煎至蛋白凝固,  將切出來既正方型方包放回方包中間.  

再煎2分鐘, 便可出鍋.

睇睇, d蛋汁真係無咁容易漏出嚟喎....