枝竹羊腩煲 (附食譜)

天氣凍冰冰, 好多人都喜歡食火鍋, 小蚌同我都好喜愛.  除咗食火鍋, 我哋亦喜歡食....

枝竹羊腩煲

材料  (4人份)

急凍羊腩  1公斤  /  炸枝竹   1包  /  馬蹄  10-12粒(大)  /  薑  6片  /  乾蔥頭  3粒(大)  /  陳皮  1/2個

 

調味料

A.  麵豉醬  1包  /  南乳  1磚(大)  /  花雕酒  1湯匙  /  冰糖  30克  

B.  清水  500毫升

做法

1.  急凍羊肉解凍,  然後氽水備用.

*羊肉汆水至如上圖, 起白泡後便可拿起沖洗乾淨, 瀝乾備用.

2.  炸枝竹剪段, 陳皮浸軟, 刮丟白色的囊.  薑, 乾蔥頭洗淨切片, 馬蹄去皮切件, 3種材料備用.  南乳用叉壓碎備用.

3.  燒熱鑊, 將油放入鑊中, 先爆香薑片, 乾蔥頭片, 麵豉醬及南乳.  然後放羊腩入鑊, 跟醬料炒勻約5-8分鐘,  跟住放花雕酒落鑊.

4.  將上述材料放入瓦煲內, 將清水, 陳皮, 冰糖落瓦煲, 用中火煲1小時, 然後放枝竹, 馬蹄入瓦煲, 用中火再煲30分鐘便可.

P.S.

a.  傳統是要放竹蔗, 竹蔗會比冰糖更加清甜.  我因為買唔到, 所以無放.  (如果放竹蔗, 記得將打直破開3份, 咁先至容易出味)

b.  放咗枝竹後, 記得翻一翻煲內既材料, 避免黐煲底.

c.  喜愛的話, 可以加個腐乳醬來做佐料.  

    (做法: 用3磚腐乳+砂糖+橄欖油, 攪勻便可)